[21 marzo] Xorna de Sofitu a lxs encausadxs na “Operacio Pandora”

IMG-20150310-WA0000
https://www.facebook.com/events/411663848995717/

El sábadu 21 de marzu, tendremos nel Centru Social La Llume una xornada con dalgunes de les encausaes de la “Operación Pandora”. A les 19:00 h. tendremos una charra-alderique con estes compañeres, a les 21:00 un pinchéu popular pa tolos asistentes ya pa finar un conciertu de los asturianos K-NALÓN ya’l Dj Dani Antistaylo.Pa ponevos un pocu en contestu dexámosvos equí un pequeñu resumen del tema que vamos tratar:El 13 de payares, 2013, la policía detuvo a 5 compañeres anarquistes en Barcelona, por orde de la Audiencia Nacional. Dos d’elles, Mónica ya Francisco, fueron unviaes a la cárcele, réximen FIES. Estes compañeres yá habíen pasao pol infame «Casu Bombes» en Chile, onde estuvieron encarcelaes más d’un añu enantes de ser absueltos n’un xuiciu. La prensa ya la policía españoles utilizaron l’anterior casu, ya’l fechu de que son anarquistes, comu preba nel casu actual, nel que tan acusaos d’un artefautu qu’españó na basílica’l Pilar de Zaragoza, ensin mancar a naide. El 16 d’avientu, 2014, la policía asaltó en 14 cases ya centros sociales ya detuvieron a 11 anarquistes en Barcelona, Sabadell, Manresa ya Madrid. La nomá «Operación Pandora» tamién se realizó por ordes de la Audiencia Nacional. A les deteníes se les vincularon con Mónica ya Francisco del casu anterior, ya 7 d’elles decretose-yos prisión preventivo, réximen FIES. Dempués d’un mes y mediu ya baxo fianza de 3000 euros ca una, pudieron salir a espera xuiciu. En tou momentu la prensa transmitió les calumnies ya perspectives de la policía. Se-yos acusa d’organización terrorista, pero la preba principal ye que son anarquistes. Según la prensa, evidenciando comu siempres el so rol de voceru policial, l’oxetivu d’estes detenciones ye desarticular “una organización criminal con finalidá terrorista ya de cálter anarquista violentu”. Anque suena fácil repetir una fras fecha, una vegada más, farémoslo: la única organización criminal que gueta aterrorizar a la xente col so cálter violentu ye l’Estáu ya los sos raxos: la prensa, l’aparatu xurídicu, los sos cuerpos represivos ya los sos políticos, seyan del espectru que seyan.

BASTA DE MONTAXES POLICIALES PA XUSTIFICAR EL SO ESTÁU D’ESCEICIÓN: NIN CULPABLES NIN INOCENTES, ABSOLUCIÓN ENCAUSA@S POLA OPERACIÓN PANDORA, ¡¡NENGÚN ESTÁU MOS FARÁ LLIBRES!!

Anuncios
A %d blogueros les gusta esto: